कम्पनी दर्ता सम्बन्धी सेवा

कम्पनी दर्ता

निजी लिमिटेड कम्पनी (प्रा.लि.)

सार्वजनिक लिमिटेड कम्पनी (प.लि.)

मुनाफा वितरण नगर्ने संस्था (गैर-नाफामूलक संस्था)

सम्पूर्ण कागजात तयारीदेखि दर्ता प्रमाणपत्र प्राप्त गर्ने प्रक्रियासम्म हामी तपाईंलाई सहज मार्गदर्शन गर्छौं।

सफल व्यवसायको पहिलो खुड्किलो दर्ता हो, जसले कानुनी रूपमा तपाईंको पहिचान सुरक्षित गर्छ।

कम्पनी दर्ता पश्चात् कानुनी आवश्यकताहरू पूरा गर्न हाम्रो सहयोग

नेपालको कम्पनी ऐन २०६३ अनुसार कम्पनी दर्ता पश्चात् पूरा गर्नुपर्ने कानुनी आवश्यकताहरूमा हामी सहयोग प्रदान गर्छौं। यस अन्तर्गत, दफा २८, १११, १८४ बमोजिम आवश्यक विवरणहरू अद्यावधिक गर्ने कार्यमा मार्गदर्शन गर्छौं। साथै, कम्पनी रजिष्ट्रारको कार्यालयमा अनिवार्य प्रतिवेदनहरू पेश गर्ने प्रक्रिया सहज बनाउन आवश्यक सहयोग उपलब्ध गराउँछौं। व्यवसाय सञ्चालनका लागि आवश्यक कानुनी मार्गदर्शन प्रदान गरी, कम्पनीलाई सम्पूर्ण कानुनी दायित्वहरू पूरा गर्न सहायता गर्छौं।

हाम्रो सेवाले कम्पनीलाई दर्ता पश्चात् लागु हुने कानुनी दायित्वहरू पालना गर्न सहज बनाउँछ। आवश्यक विवरण अद्यावधिक गर्ने, अनिवार्य प्रतिवेदनहरू पेश गर्ने तथा व्यवसाय सञ्चालनका लागि कानुनी मार्गदर्शन प्रदान गर्ने कार्यमा हामी विश्वसनीय साझेदार हौं।

शेयर व्यवस्थापन

हामी कम्पनीका शेयर सम्बन्धी सम्पूर्ण सेवा प्रदान गर्छौं, जसअन्तर्गत शेयर लगत अभिलेख (Share Record Maintenance) व्यवस्थित रूपमा राख्ने तथा आवश्यकतानुसार अद्यावधिक गर्ने कार्य समावेश छ। साथै, नियम उल्लंघन वा अन्य कारणवश शेयर जफत (Share Forfeiture) गर्नुपर्ने अवस्थामा आवश्यक कानुनी प्रक्रिया पूरा गर्न सहयोग पुर्‍याउँछौं। हाम्रो सेवाले कम्पनीको शेयर व्यवस्थापनलाई प्रभावकारी बनाउने तथा कानुनी दायित्वहरू सहज रूपमा पूरा गर्न मद्दत गर्छ।

प्रवन्धपत्र वा नियमावली संशोधन सेवा

यदि तपाईंको कम्पनीको प्रवन्धपत्र (Memorandum of Association) वा नियमावली (Articles of Association) परिवर्तन गर्न आवश्यक छ भने, हामी आवश्यक कानुनी प्रक्रिया पूरा गर्न सहयोग गर्छौं। यस अन्तर्गत कम्पनीको नाम वा ठेगाना परिवर्तन, उद्देश्य तथा कार्यक्षेत्रको विस्तार वा परिमार्जन, साथै अन्य आवश्यक संशोधनहरू गर्न कानुनी परामर्श तथा व्यवस्थापन सेवा प्रदान गर्छौं। हामी तपाईंको व्यवसायिक आवश्यकताअनुसार सहज र प्रभावकारी रूपमा दस्तावेज संशोधन प्रक्रिया सम्पन्न गर्न मद्दत गर्छौं।

सुधार वा परिवर्तन गर्नुपर्ने आवश्यकता छ भने, हामी त्यसमा पूर्ण सहायता प्रदान गर्छौं। यसमा कम्पनीको उद्देश्य, नाम, ठेगाना, र कार्यक्षेत्रसँग सम्बन्धित संशोधनहरू गर्न, साथै अन्य कानुनी दायित्वहरू पूरा गर्न आवश्यक परामर्श र निर्देशन उपलब्ध गराउँछौं।

कम्पनी खारेजी तथा दर्ता खारेज

यदि कम्पनी बन्द गर्नुपर्ने अवस्था छ भने, हामी कानुनी रूपमा सही प्रक्रिया पूरा गर्न मद्दत गर्छौं। यसमा स्वेच्छिक खारेजी (दफा १२६ बमोजिम) र दर्ता खारेज (दफा १३६ बमोजिम) का प्रक्रिया समावेश छन्। हामी तपाईंलाई सम्पूर्ण कानुनी कागजात तयार गर्ने, प्रशासनिक कार्यहरू पूरा गर्ने र कम्पनीको खारेजी प्रक्रियालाई सहज बनाउन सहयोग पुर्‍याउँछौं।

हाम्रो उद्देश्य तपाईंलाई कुनै पनि कानुनी समस्यामा नपरी कम्पनी बन्द गर्ने प्रक्रिया पूरा गर्न मद्दत गर्नु हो।

वार्षिक अद्यावधिक तथा नियमअनुसार साधारण सभा

कम्पनी सञ्चालनका लागि आवश्यक वार्षिक अद्यावधिक सेवाहरूमा हामी तपाईंलाई सम्पूर्ण कानुनी मार्गदर्शन र सहयोग प्रदान गर्छौं। यस अन्तर्गत, हामी नियमित वार्षिक साधारण सभा (AGM) र विशेष साधारण सभा (Special AGM) आयोजना गर्नका लागि सबै कानुनी प्रक्रिया पूरा गर्न मद्दत गर्छौं। AGM का लागि आवश्यक कागजात तयार गर्ने, नोटिसहरू पठाउने, र बैठकको समयतालिका बनाउन लगायतका कार्यहरूमा हामी सहायक हुन्छौं। यसले कम्पनीको वित्तीय गतिविधि, रणनीतिक योजनाहरू र आगामी दिशा निर्धारण गर्न महत्त्वपूर्ण भूमिका खेल्छ।

साथै, पूँजी वृद्धी वा घटुवा (Capital Increase or Decrease) जस्ता आवश्यक कानुनी प्रक्रियाहरूमा पनि हामी तपाईंलाई मार्गदर्शन पुर्‍याउँछौं। कम्पनीको वित्तीय आवश्यकता र उद्देश्य अनुसार पूँजी समायोजन गर्नका लागि कानुनी प्रक्रिया पालनामा हाम्रो अनुभव र सहयोग महत्वपूर्ण साबित हुन्छ। हाम्रो उद्देश्य भनेको तपाईंको कम्पनीलाई कानुनी दायित्वहरू सहज रूपमा पूरा गर्न र व्यवसायको समृद्धिमा योगदान पुर्‍याउनु हो।

कम्पनी गाभ्ने

यदि दुई वा सो भन्दा बढी कम्पनी गाभ्न (Merger) आवश्यक छ भने, हामी सम्पूर्ण कानुनी प्रक्रिया पूरा गर्न तपाईंलाई सहायता प्रदान गर्छौं। यसमा हामी कानुनी कागजात तयारीमा सहयोग गर्दछौं, जसले गाभ्ने प्रक्रियामा आवश्यक सबै दायित्वहरू सही तरिकाले पूरा गर्न सुनिश्चित गर्दछ। कम्पनीको संरचना, शेयर र सम्पत्ति सम्बन्धी सबै कानुनी पहलुहरूलाई व्यवस्थित गर्नका लागि हाम्रो अनुभव महत्त्वपूर्ण छ।

साथै, हामी मूल्यांकन तथा शेयर बाँडफाँड प्रक्रियामा पनि मार्गदर्शन प्रदान गर्छौं, जसले नयाँ कम्पनीको शेयर संरचना र वित्तीय स्थिति निर्धारण गर्न मद्दत गर्छ। नियामक निकायसँग आवश्यक प्रक्रिया पूरा गर्न, जस्तै अनुमति प्राप्त गर्न र कानुनी फाइलिङ गर्ने कार्यहरूमा पनि हामी तपाईंलाई पूर्ण सहयोग गर्छौं। यसले तपाईंको कम्पनीलाई कुनै पनि कानुनी जटिलता बिना गाभ्ने प्रक्रियालाई सहज र प्रभावकारी बनाउँछ।

लेखा परिक्षण तथा वित्तीय परामर्श

हामी लेखापरीक्षण प्रतिवेदन (Audit Report) तयार गर्न र कम्पनीको वित्तीय पारदर्शिता सुनिश्चित गर्न आवश्यक सम्पूर्ण सेवाहरू प्रदान गर्छौं। यसमा, हामी तपाईंको कम्पनीको वित्तीय अवस्था, लेनदेन र आन्तरिक नियन्त्रण प्रणालीको मूल्यांकन गरेर समग्र वित्तीय जानकारीको सत्यता र विश्वसनीयता सुनिश्चित गर्छौं। यसले तपाईंलाई नियामक निकायसँग सहकार्य गर्न र व्यवसायिक निर्णयहरूमा सही मार्गदर्शन प्राप्त गर्न मद्दत पुर्‍याउँछ।

हामीलाई किन रोज्ने?

अनुभवी कानुनी तथा वित्तीय परामर्शदाता

छिटो, प्रभावकारी र सहज सेवा

प्रतिस्पर्धी शुल्क

नेपालका प्रचलित कानुनी मान्यतासँग पूर्ण रूपमा अनुरूप सेवा

तपाईंको कम्पनी दर्ता, कानुनी परामर्श तथा लेखा व्यवस्थापनका लागि कम्पनी एक्सपर्ट प्रा.लि. तपाईंको भरपर्दो साझेदार हो। आजै हामीलाई सम्पर्क गर्नुहोस्!